طبعا كلنا عارفين ان اول ما تبتدي السفينه في الغرق بتكون مهمه القبطان هي محاوله انقاذ كل الركاب و اخلاء السفينه
و في الوقت ده بتفضل الفرقه الموسيقيه تعزف عشان تحاول تخفف من جو التوتر المصاحب للحاله دي
و يبتدي طاقم السفينه في انزال قوارب النجاه و عمليه الاخلاء
و بعد الاطمئنان ان كل الركاب نزلوا في قوارب النجاه يبتدي نزول باقي الطاقم ।
ولانه غالبا بيكون الوقت انتهي او بمعني ادق قمه التضحيه و الشرف ان القبطان يغرق مع سفينته
فبيفضل قاعد في مكتبه يشرب الويسكي او الفودكا و يدخن السيجار الكوبي و هو بيسمع اي لحن للاوبرا
في انتظار مصيره المحتوم.....
طبعا الي بيقرا البوست ده و استحمل انه يوصل لغايه هنا اكيد مستغرب ايه سبب الكلام الي انا كاتبه ده
بختصار شديد اني تقمصت شخصيه القبطان و فعلا عملت اخلاء للركاب من السفينه قبل ما تغرق و بعدهم
ا لطاقم او من بقي منه و ختمت بالفرقه الموسيقيه
و من ساعتها قاعد في المكتب بشرب و ادخن و انا بسمع الموسيقي بس للاسف السفينه مش عايزه تغرق
عمليه الغرق مش عايزه تخلص ولاني واثق من استحاله مجيئ فرق الانقاذ ليا لان ببساطه كل الناجيين اكيد
حيبلغوا بغرقي مع السفينه و انا اضعف من اني اعوم ضد التيار للمسافه الكبيره دي و حتي لو حاولت سمك القرش
مش حيرحمني و حتقزقز في ثواني
و اكيد مش حفوت علي نفسي فرصه الخلود علي صفحات التاريخ لما الناس تكتب عن بطولتي في اخلاء الركاب
المصيبه انها مش عايزه تغرق و شكلي حفضل عالق لامني عايش حتي لو جبان ولامني ميت حتي لو بطل
الاشتراك في:
تعليقات الرسالة (Atom)
هناك 8 تعليقات:
انت عايز تغرقها ليه
رحمة ربنا هتيجي في الوقت المناسب وتنقذك ياقبضان
ادعي ربك خوفا وطمعا
والاجابة اكيدة
سلامي
انا مش عارفة هتفهم كلامى صح ولا هتفتكرنى مش فاهمة ولا بغلط فيك بس هقولك
احسن الظن بربنا اكتر من كده وعلى فكرة مشاكلك ما هياش نهاية حياتك ولا خلاويص خلصت على كده .
قوم اصلب طولك ولا تستنى غرق ولا موت
تفائل بالخير اكيد هتلاقيه وربنا ان شاء الله هيكرمك
نفسى مرة ادخل الاقيك بطلت تعدد
وعاوز اموت ومعرفش ايه
لا انت اول ولا أخر حد فشل فى جوزة ربنا يعوضك خير
ده أنت رجل عيب والله
سنة بتبعك وكل مرة بتعدد على حظك
يا رجل الحمد لله
والله انا ست لو فشلت مش هعمل زيك كده
قول يارب وبص للمستقبل
ماتستعجلش .... هتغرق لما ماتحبش انها تغرق
الدنيا مابتديش محتاج
تحياتي
هتغرق هتغرق
متقلقش
ان عاجلا او اجلا
هتغرق
انا سعات كتير مكنتش بحب الامثال الشعبيه ديه خالص
لكن سعات كده بحس مع انها سعات بتكون بيئه اوي لكن سعات بتكون ورها مغزي حلو اوي
زي مثلا المنحوس منحوس لو علقوا علي راسه فنوس
الخلاصه من معني المثل اننا نسلم امرنا لله ونتوكل عليه ونعمل اللي علينا
والنتيجه بقي ديه بتاعت ربنا
وربنا يهدي الجميع
إرسال تعليق