المشاركات
لأول مره من زمان اوي اكون محتار و مش عارف اخد قرار .
الموضوع بأختصار ان زينه داخله المدرسه السنه دي
ولازم نقدملها في شهر 6تقريبا و مش عارف
متفتكروش اني محتار في اني ادخلها انهي مدرسه لالا
الموضوع مش كده خالص الموضوع هو اني ادامي حل من اتنين
اولا-اني ادفع الفلوس الي الست ام طعمه عايزاها في المدرسه بالرغم اني مش بشوفها اصلا
ثانيا-اني بردو ادفع نفس الفلوس بس تكون وسيله ضغط عليهم عشان اشوفها
ولاني من بدايه الموضوع واخد قرار ان البنت بره اي صراع فانا ميال للحل الاول
بس في نفس الوقت دي فرصه عشان اعرف اشوفها و لان الحل التاني هم رفضوه
فمش عارف اعمل ايه
هي الي بتضغط عليا بانها حدخل البنت اي مدرسه حكومه معفنه تلاقيها و بجد الموضوع ده قاتلني
ياريت بجد تشاركوني برايكم
الاشتراك في:
تعليقات الرسالة (Atom)
هناك 10 تعليقات:
مش عارفة .. او مش هافتي واقولك ايه الحل
اكيد انت ادري بـ ايه الانسب للبنت
لكن .. انا حزينة اوي
مش عليك ولا علي الام .. مع ان اكيد كل حد فيكو فيه كمية الم بسبب الموضوع دا كبيرة
ولكني حزينة علي البنت
مهما حاولتو تخرجوها برة اي صراع .. في هي لازم تكون ف النص وتتعصر للاسف :(
الله معها :((
انا متابعه المدونة من زمان
من فضلك البنت مالهاش زنب ما تربطش الشوفان بالتعليم
ايه ده؟؟
شوف حل تاني
الاكرم ليك البنت تكبر في مدرسة كويسه وتعرف ان ابوها بيدفع لها وما تخلاش عنها احسن ما تعرف انه عند لاي سبب وضيع مستقبلها لو ممكن في محامي يسلم الفلوس للام وياخد ايصال بمصاريف المدارس
او تتفقوا علي مدرسة وتروح انت تدفع وتاخد وصل من المدرسة باسمك
عشان ما ترجعش تنكر انك دفعت...بكره البنت ها تكبر وتيجي لك لما تعرف انك ماا تخلتش عنها ولا يوم مهما حاولوا يسمموا افكارها
لكن لو لاعبتهم علي حساب تعليمها عمرها ما ها تسامحك ابدا
تحياتي
واجبك انك توفر للبنت المستوي الأفضل من التعليم اتفق معاهم علي المدرسة و روح انت ادفع المصاريف
مسالة انك تشوف البنت ده هايحصل غصبا عن عينهم طال الوقت او قصر
ربنا يوفقك تحياتي
شكرا لكل الي رد و انا مقتنع جدا ان البنت لازم تخرج برا اي صراع
بس ليه الطرف التاني ميفكرش بنفس الاسلوب
انا حاسه اني شريره بس عندي اقتراح
قول لا واضغط عليها يمكن تجيب نتيجه ... ولو دخلت البنت مدرسه حكوميه ابقى حولها واديها مصروفاتها
تحياتي
فتاه من الصعيد للاسف الظاهر ان البنت في النهايه حتدخل حكومه غصب عن عين الي خلفوني
ازيك يا كريم
انا اجتهدت اطلع الميل بتاعك ومعرفتش ومرضيش يفتح لينك
كنت كتبته وريحتني :)
ما علينا
ادي الخبر كامل
هو من المصري اليوم بتاعة امبارح
حددت محكمة استئناف الزقازيق لشؤون الأسرة جلسة بعد غد، الثلاثاء ٢٥ مايو، للنطق بالحكم فى دعوى مصاريف المدرسة، البالغة «١٧ ألف جنيه» المتعلقة بقضية الولاية التعليمية للأب، والتى أصدرت المحكمة الإدارية العليا حكما فيها لصالح الأب عصام الدين أحمد، بعد أن قدم ولى أمر التلميذة مستندات للمحكمة تفيد بامتثال الإدارة التعليمية لتنفيذ حكم الولاية التعليمية باتخاذ إجراءات تحويل التلميذة إلى نوع التعليم والمؤسسة التى يرغبها والدها لها.
كانت المحكمة، برئاسة المستشار محمد سعد السحلى، وعضوية المستشارين محمد محمود سلطان وأحمد سليم، وأمانة سر محمود عبدالحميد، منحت والد التلميذة مهلة شهرين لتنفيذ حكم الولاية.
ترجع أسباب النزاع إلى قيام الإدارة التعليمية وحاضنة التلميذة بمنع والدها عصام الدين أحمد من الإشراف ومتابعة ابنته تربويا وتعليميا فى مدرسة لغات تجريبية فى الزقازيق المقيدة بها فى مرحلة رياض الأطفال، ورفضوا تمكينه عام ٢٠٠٥ من تحويلها إلى مؤسسة تعليمية أخرى، فى حين وافقت جهة الإدارة على نقل التلميذة من المدرسة التجريبية إلى مدرسة خاصة فى الزقازيق.
----------------------------
انا بقول ان حكم زي ده وخاصة انه في الإستئناف ممكن ينفع أباء كتير يكونوا عايزين مصلحة العيال واللي معاهم بيعاندوا بالعيال
يعني لو لك ولاية تعليمية تقدر تدخلها مدرسة كويسة وغصبن عنهم تشوفها حتى لو في المدرسة
اهو طالما القصص هم مشينها تحايل وكيد ربك يجيب فيها فرج
تحياتي
واحدة صاحبتى حالها من حالك بالظبط
بس هى ملتزمة ان ابو البنت يشوفها كل أسبوع فى الجنينة حسب حكم الرؤية
مع انه مش بيدفع لها غير 300 ج فى الشهر ومرتبه فوق ال15 الف جنيه لانه مضيف جوى فى مصر للطيران
والسبب العند والبخل والكلام دة كله
لكن الام لانها برضه مرتبها زى الاب كبير لانها برضه مضيفة جوية فى مصر للطيران
دخلت بنتها أحسن مدرسة
وبتصرف عليها فى المدرسة الاف كل سنة
دة غير كل لبسها اللى بيجيى من برة بحكم سفر الام
بس الام بقى عاملة لبنتها دفتر شايلة فيه كل الفواتير اللى تثبت انها صرفت عليها مبالغ مهولة
وبرضه معاها ما يثبت ان ابوها بيدفع فى الشهر 300 حنيه بحكم محكمة
البنت دلوقتى عندها عشر سنين وابتدت تفهم
ومسيرها فى يوم هاتفهم ان امها ما قصرتش خالص فى حقها بالعكس اديتها اكترمن حقها
وان الاب مكبر دماغه وعايش حياته
انت برضه تدخل البنت مدرسة على قد مستواك انت وانت اللى تروح تدفع المصاريف بنفسك
وتحتفظ بالأيصالات
وتحاول تخلى رجلك تاخد عل ىالمدرسة وتروح كل فترة قصيرة تسأل عليها بين المدرسين
وتشوفها وتشوفك بعيج عن الام تماما
وتجيب لها حاجات حلوة فى المدرسة وبعد كام سنة تروح وتديها مصروف ايديها
زيك زى أب
ومسيرها فى يوم هاتفهم وتعرف قد ايه انت حنين
وقد ايه بتحبها
وان الام هى السبب فى كل دة
الام واهل الام طبعا
طولت عليك
بس لانى متابعاك من زمان اوى
وبقالى فترة ما جيتش هنا
فقلت اخد راحتى
بيت اخويا مفتوح لى
:-)
أنا رأيى من رأى استاذ طارق مؤمن
دخل البنوته المدرسة اللى انت تتمناها ليها
وغصب عنهم هتشوفها هتشوفها
بس انا جاية بصراحة لسبب تانى
انا عايزة اعتذرلك انلى اتكلمت معاك بطريقة بايخة فى المدونة اللى اتمسحت
كنت مضايقة منك جدا من كلامك على طليقتك واهلها
ومن ردك على بعض التعليقات
لكن احساسى ان فى كلام كتبته ضايق حد مزعلنى جدا لان الكلام ده هيكون شاهد على يوم القيامة
وحتى لو نيتى النصيحة لازم تكون بطريقة احسن من كده
ارجو انك تقبل اعتذارى
السلام عليكم ورحمة الله وبركاته
اولا احب ان احييك على انك عاوز تخلى بنتك بعيد عن اى مشكلة ودى فعلا حاجة محترمة
ثانيا بما انك من الاول عاوز تبعد بنتك عن المشاكل واوز تخليها لبها مستقبل كويس وتبقى بنت تشرفك وتفتخر انها بنتك يبقى بش تستخدم بنتك للضغط للوصول الى اى هدف حتى لو كان مجرد انك تشوفها
ويكفيك ان البنت تبقى كويسة اكيد ده هايسعدك اكتر من انك تضغط باستخدام البنت والبنت تكون هى الضحية
ربنا يصبرك
وعلى فكرة احنا ظروفنا متشابهة كتير بس انا لسة جديد ما وصلتش للمدرسة لسة
إرسال تعليق