الأحد، 21 نوفمبر 2021

ملعون

 ان تجلس بجانبها و تتحاشي ان تنظر اليك 

انت تعتبرك اقل من مجرد شخص عادي

ان تنسي او تتناسي ما كان 

حينها تتاكد انك ملعون 

الأحد، 6 ديسمبر 2020

القبطان المنحوس

 لما تكون قبطان منحوس زيي كل ما تركب سفينه تغرق ...........

ده عادي لكن أن كل الركاب تغادر فجأه حتي قبل اي حاجه ما تحصل اصلا يبقي ده اسمه ايه ....

الثلاثاء، 24 ديسمبر 2019

افكار

انا و الليل و قهوتي و دخاني و صور مشوشه لذكريات تجاد تمحي
يا رب اعني علي تذكر صفاء وجهها و عذوبه ضحكتها
طفلتي رغم البعد انت حبيبتي 

الجمعة، 13 ديسمبر 2019

كلاكيت ٣ مره

حتفضلي معايا مهما بعدتي
مهما الي حوليكي شغلوكي عني
حتفضلي علي اسمي

الاثنين، 21 يناير 2019

رأيتها .........و كفي

اظن العنوان واضح

اسيبها طفله خمس سنين و اشوفها عروسه 12 سنه

الاصعب من انتظار رؤيتك هو لحظه فراقك تاني

عارفه اني ممكن اعيش علي النص ساعه الي شوفتك فيها دي كمان 7 سنين حرمان

سيبتك طفله و دلوقتي عروسه

اسف والله علي السنين الي فاتت و اتحرمني فيها من بعض

بس اقسم بالله غصب عني و عنك

من ساعه مشوفتك و انا مش ببطل كلام عنك و حكي لكل الناس

فرحان بيكي

رغم قمه التوتر الي كنت فيها

انت مكسوفه و خايفه و متلخبطه

و انا متوتر و الكلام هربان مني

و انا رايح اشوفك كنت كأني رايح اقابل حبيبتي لاول مره

و كأني ليه مهي فعلا اول مره

اول مره اخد حبيبتي فحضي بعد سنين غياب

الكلام هرب وبس لغه العيون اتكلمت

يارب تكوني سمعتي دقات قلبي ذي منا سمعت دقات قلبك و تسارع انفاسك

الحضن و اللهفه الي خلت الناس جسمها يقشعر

و الراجل العجوز الي كان ورانا مع احفاده قالي و هو مدمع امشي يا استاذ عشان في ناس حتعيط هنا

مش عارف اوصف سعادتي بالنص ساعه دي
يارب تقرب الايام عشان حضنك وحشني اوي

الثلاثاء، 27 نوفمبر 2018

نصحي مع بعض شويه 2

طبعا المفروض اقولكوا في البوست ده اذاي تعيشوا سعدا في بيتكوا و لان فاقد الشئ لا يعطيه حنفترض انكوا اتنيلتوا زيي (الله لا يكتبها علي حد منكوا) و نخش في المهم.


اذاي تطلق من غير ما تخسر؟


1- لازم تعرف يا قفص ان في خساير كده كده و مهما عملت

2- حدد اولوياتك انت مستعد تخسر ايه و متخسرش ايه

3-الاطفال كده كده انت خسرتهم بس انا عندي حل حقول عليه بعدين

4-الفلوس انت حتدفع نفقه للاطفال

عبث

رساله لكل الرجاله الي بتولول علي تعديلات قانون الاحوال الشخصيه و الطفل الي بتتناقش حاليا!!!!!!

اي محاوله للتعديل في ظل وجود شله مطلقات جمعيه المرأه المتوحشه هي محاوله عبثيه

بطلوا ولوله و نواح ........


الثلاثاء، 10 يناير 2017

لسه مموتش

حيجي يوم تشوفي و تقري و تعرفي انا عملت ايه و حاولت قد ايه عشانك

و اظن اني مش حكون موجود عشان اشرحلك بنفسي بس عامل حساب اليوم ده كويس

محضر كل حاجه و جاهز اني اكشف قدامك كل الاوراق

ولاني متاكد اني مش حشوفك في الحياه دي

فيه الي حيكي و يوريكي كل الاطراف عملوا ايه بالظبط

مش طالب غير انك تسمحيني علي كل لحظه اتمنيتي اكون جنبك و انا مش موجود

كل ضحكه كان نفسك اشوفها

كل دمعه كنتي مستنيه امسحها

والله والله والله غصب عني يا حبيبتي.................................................

الأحد، 2 أغسطس 2015

للي لسه عندهم امل و بيتابعوا اسف البوست ده لوحده محدده
حيجي اليوم و تشوفه و تفهم
* حبيتك قبل مصارحك بكتير اوي
* احتجتك من اول يوم شفتك فيه
* كابرت و عاندت نفسي عشان ضعفت ادامك
* كنت راضي بس بقربي منك او نظره عينك
* فاكره يوم مصارحتك
* فاكره لهفتي عليكي
* احتجت حبيبه و صديقه و بنت
* لقيت اجمل طفله شوفتها في حياتي
انت اجمل حاجه حصلت في حياتي
انت امل عايش عشانه
انت روحي الي عايش بيها
انا اناني اوي في حبي ليكي
حبيبتي انت انا






الأربعاء، 31 ديسمبر 2014

ههههههه

الله يحرقكم تحت و فوق يا ولاد الوسخه

تخيلي الشباب بيموت و امك قاعده

الخميس، 2 أكتوبر 2014

هزيان 6

خرجت بره القطيع من زمان و مش ناوي ارجع تاني

افعالي بعض من هزياني محدش حيفهمها غيري

امنيتي هي ليله واحده فقط

 

الاثنين، 4 أغسطس 2014

عذرا.............................................

عارف ان الناس فقدت الاهتمام بمتابعه المدونه .

شئ مش مزعلني اصلا لان يوم مأنشاتها كنت متأكد ان محدش حيتابع


بعد سنين حتشوفي الكلام ده ................................................................

قررت انساكي من زمان او اتناساكي
انت نقطه ضعفي الوحيده ( كنتي فعلا دلوقتي لا )
طالما مقدرتش اكون ابوكي يبقي طبعا انت مش حتقدري تكوني بنتي
الكره اليجواكي انا فاهمه كويس اوي
مقدره
بس حيجي اليوم الي انت حتفهمي انا ليه بعدت

الخميس، 13 سبتمبر 2012

لا معني لان تفقد المزيد

مفهومي البسيط عن انك تفقد شئ هو ان تكون اصلا حاسس بأهميه الشئ او الشخص الي بتفقده


لكن ان تكون فاقد الاهتمام بقيمه الاشياء او الاشخاص او مش حاسس انهم مهمين اصلا يبقي انت كده مش بتفقد حد اساسا


احساس

كلاب

الموضوع بختصار ان ولاد الكلب قدموا للبنت في المدرسه......... ....... و انا معرفش
و البنت قبلت في المدرسه........................................................و انا معرفش
و رفعوا طبعا قضيه بالمصاريف.............................................بس انا عرفت
و القضيه هنا مش ان المصاريف غاليه او لا المبدأ بيقول اني لازم اعرف و اختار
اشارك يعني في رسم اول خطوات مستقبل بنتي مش يتحول دوري لحصاله مش اكتر
و المدرسه تعاملني اكني هوا
يعني مقدرش ادخل اشوفها علي الاقل
ولا اتابعها في الدراسه
 ماذا تفعل يا قفص لو كنت مكاني؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

غياب

بقالي كتير اوي مجيتش هنا
نسيت و اتنسيت
بس للاسف معنديش جديد ..................................................

الاثنين، 20 فبراير 2012

تمتع بالسئ يا كريم فألاسوء قادم

ده شعار المرحله الحاليه لاني مقبل علي مصايب و كوارث انشاء الله
بعتبار ان الست ام طعمه رفعت6قضايا في 20يوم
و احوال الشغل هباب و الحمد لله
فتوقعوا انتوا نفسيا عامل اذاي
لما يكونوا شويه مديرين ولاد ستين كلب كل همهم يفضلوا علي الكراسي و بس
و لما حضرتي يخطأ في الشغل بسبب السرعه و الضغط و كميه الشغل غير الادميه الي انا ماسكها
يكون اول حاجه نفكر فيها هي ان المحاسب ده نقطع رقبته
مش فاضل غير بسمه واحده بس في حياتي هي الي لما ببصلها بحاول انسي الدنيا كلها لانها بجد ملهاش ذنب في اي حاجه بتحصل

الخميس، 29 ديسمبر 2011

بدون عنوان

انا جاي النهارده اقول لكل الي لسه فاكر المطلق قليل الادب اتكوا فعلا وحشتوني اوي و حاسس اني بقالي كتير اوي محكتلكمش و اتكلمت معاكوا بس انشاء الله نتواصل قريب اوييييييييي

الثلاثاء، 7 يونيو 2011

احلام علي شاطئ الاوهام

مين فينا محلمش من يوم ما خلف باول يوم مدرسه لبنته انا شخصيا كنت بحلم اني اصوره فيديو عشان افضل فاكره طول العمر
لكن طبعا و كالعاده فوقت علي خازوق كبير اوي
وهو انه ياساده اني هوا اه والله هو الست ام طعمه كتر الف خيرها بلغتني باليوم و الساعه و المدرسه الي حتقدملها فيها و رحت زي العبيط لاقيت والله ده الي حصل و مش بكدب في اي حاجه لاقيت مدرسه زباله و مدرسات الله يكون في عون العيال لاني انا اصلا خفت منهم فما بالكوا بالعيال
اول ما ام طعمه تطلع قسيمه الطلاق محدش بيبصلي و الكل يطبطب و يدلع فيها اكني كنت باسقيها العزاب الوان و ده غير النظرات بمنتهي القرف و الاشمئزاز مني
المهم اني لما اعترضت علي المدرسه و مستواها كان الرد الطبيعي دول 400جنيه مصاريف وقالت حتدفعهم هي و لما وضحت انها عارفه ان مقدرتي اكتر من كده و مستعد اني ادفع قالتلي انها حتعمل الي هي عايزاه و لو مش عاجبني ارفع قضيه

فعلا الواطي واطي لو لبسوه سبع بلاطي

الاثنين، 11 أبريل 2011

اخيرا .....خطوه علي الطريق

طبعا انتوا فاكرين انكوا استريحتوا مني في الفتره الي انا غبت فيها لكن ده بعدكوا । انا الشهر الي فات اكتشفت اني مش لوحدي الي بتكلم و اهاتي و انبح في صوتي اكتشفت ان في ناس زيي كتير اوي مشكلتهم في حياتهم انهم يشوفوا اولادهم الي اتحرموا منهم و اذا كنت انا صعبان عليا ३ سنين فانا اكتشفت ناس بقالها خمس و سبع سنين بيعانوا । بالصدفه صديقي اللدود و المدون الس ليه الفضل اني اعمل البوق ده الي بزعق منه من ३ سنين و الصحفي و المصور الفذ في المصري اليوم ( احمد عبد الفتاح ) لاقيته عاملي شير لموضوع وقفه احتجاجيه للاباء غير الحاضنين و دي كانت بدايه تعرفي علي اعداد مش كبيره اوي لغايه دلوقتي بس بردوا منقدرش نعتبرها اعداد قليله ليهم نفس الاهتمامات و المشاكل و الافكار و حيكون ليا الشرف في الايام الي جايه اني اساعد في نشر ارائهم و افكارهم هنا

الأربعاء، 16 مارس 2011

اكيد حتفهموني غلط

مبدأيا و قبل اي كلام احب اقول ان التدوينه دي مش ليكم انوا خالص دي لنفسي يعني بلاش هجوم عشان هي مش ناقصه و حياه الي خلفوكوا
دي بسجل فيها اني و انا بكامل قوايا العقليه و دون اي ضغوط من اي جهه داخليه كانت او خارجيه حاولت كتير اوي و اكتر من مره اني انساكي يا زينه و والله مش عشان كرهتك او اني مليت من المطالبه بحقي فيكي لالالالا ده عشان مسببلكيش اي الم او جرح و انا عارف ان كلامي باين انه مش منطقي لكن هي دي الحقيقه دي حقيقه مشاعري خايف اتعلق بيكي او اعلقك بيا رغم اني كنت راضي انك تكوني الجزره الي بيمدوها ادام الحمار عشان يمشي و انك السراب الي بيدي القوي للعطشان انه يواصل مسيرته في الصحرا لكن حسين انك مش حتستحملي تشوفي ابوكي مره كل سنه او بالكتير مرتين في السنه و خفت من انك تتعلقي بوهم اسمه( بابا مسافر ) ده اذا مكنش سايبك و رميكي و ابن ستين جزمه عايش حياته و مش سائل فيكي ।
بس معرفتش انسي و لا اي حاجه من تفاصيل تفاصيلك معرفتش انسي ضحكتك او حتي دمعتك و رغم انك مع الايام الي فاتت كنت بتبعدي الا ان احساسي بيكي كان بيزيد
وحشتيني اوي و صدقيني لو اعرفلك مكان دلوقتي كنت شوفتك حتي و لو من بعيد و املي عيني منك
سمحيني اني حاولت في يوم اني انساكي
سمحيني لو فكرت اني ابطل مطالبه بحقي فيكي

سمحيني يا اجمل و ارق طفله في الدنيا

الأحد، 27 فبراير 2011

سياستي في المرحله القاضمه

الانتقام طبق يفضل ان يقدم باردا

الأحد، 9 يناير 2011

زي النهارده

زي النهارده من 4سنين كانت اول مره اشوفها
اسرتني بجمالها و رقتها
خطفت قلبي و قلوب كل الي شافوها
اتغيرت كل اهتماماتي في الحياه
او بمعني ادق بقيت اخاف علي نفسي و عليها من بكره
احساس انك مسؤل عن كيان جديد
تدخل في تحدي مع الدنيا كلها عشان تثبت انك جدير بيها
لاكن غالبا انا فشلت في التحدي ده

كل سنه و انت طيبه يا زينه

الجمعة، 26 نوفمبر 2010

دايخ في زمن بايخ

معلش بقالي فتره مصدعتكوش باي حاجه وده لاني مشغول حاليا بفتح قنوات اتصال مع العالم الاخر
او زي ما احمد زكي قالها في البيضه و الحجر ( انا بحضر رساله ) بس مش دكتوراه زي ما كان هو بيعمل
هوس عجيب و شغف باكتشاف العالم الاخر
عالم كان بيخوفنه اوي و احني صغيرين بس صدقوني والله انا شخصيا لقيته شيق و ممتع لابعد الحدود
و بعبد كل البعد عن الدجل و الشعوزه و الجلا جلا الي احني واخدنها عنو
ناس احسن مننا الف مليون مره اه طبعا فيهم الطيب و الشرير و كل الصفات الي فينا و عكسها
الا انهم بيتميزوا عننا بالحياء و العطف و الصداقه و الاخوه و طبعا دي حاجات احنا نسيناها من زمان اوي
و اكيد مش زي عادل امام في المنسي ( هم طلعولك يا منسي )
منكم الي حيقول ده خلاص كريم اتجنن و ضرب من العمومي و الي حيقول دي قصه بايخه جدا
بس انا شايف انهم فعلا ملوا عليا حياتي و عوضوني حاجات كتير جدا اهمها الاصحاب

السبت، 30 أكتوبر 2010

لا تنتظر احد فلن ياتي احد

معلش سامحوني يا جماعه انا غالبا مكتئب عشان كسرت حاجز التلاتين من يومين و شكلها كده هي دي ازمه منتصف العمر الي بيقولوا عليها

السبت، 23 أكتوبر 2010

حبيبني

حبيبتي ............

انا لست يوسف أن هممتي فلن اري برهان ربي او اري شئ شبيه

الاثنين، 13 سبتمبر 2010

دي مش بنتي لوحدي

كل يوم بيعدي عليا بتاكد ان زينه دي بنتي لوحدي لان مفيش ام ترضي لبنتها بالبهدله و وجع القلب
- هي مش بتوريهاني و قفلت كل تليفوناتها عشان معرفش اوصلها
الحل اني اشوفها في القسم و ابهدلها
- مش راضيه البنت تبات عندي يوم رغم انه حيحصل انشاء الله بعد ما اكسب دعوي الاستضافه
- بتشتكي ان النفقه مش بتكفي
و انا عرضت تني اذودها مقابل اني اشوفها براحتي
- المدرسه هي مصره علي التجريبي
رغم اني عرضت اي مدرسه محترمه هي تختارها

احكموا انت هي بنت مين فينا

الأربعاء، 8 سبتمبر 2010

زينه

كل سنه و انت طيبه يا حبيبتي.....................................
والله ممنعنيش عنك غير الشديد القوي
ياريت تكوني لسه فاكراني بالخير طبعا
اوعي تصدقي في يوم من الايام اني راميتك او مليت من المطالبه بحقي في رؤيتك

الله اعلم لسه حيعدي كام عيد كمان من غير ما اشوفك او اضمك في حضني بعد ما اجيبلك هدوم العيد الجديده


امضاء......
واحد كان نفسه يكون ابوكي

الثلاثاء، 31 أغسطس 2010

الحاجه فضه المعداوي

تحولت فيرجينيا جميله الجميلات الي الحاجه فضه المعداوي।
مش عارف اذا كانت هي كده من الاول و انا الي ماخدتش بالي من زمان او هي فعلا اتغيرت
في اطار تحولها الي الحاجه فضه مرت فيرجينيا ببعض التحولات الفيسيولوجي
-انفجار فظيع في الوزن ( معلش اظاهر اني كنت سادد نفسها)
-ترهل عام في شكل الجسم
-انحطاط في الزوق العام كمظهر
- والله والله لبس و طريقه كلام اشبه بالمعلمين فعلا
وده ملوش غير تفسير واحد
ان ده التطور الطبيعي للحاجه الوحشه و تاكدت اني كنت واقف ضد التيار
او ان ده كان حيحصل حيحصل و مكنش في يدي حيله من منعه
فلحمد لله انه حصل بعد ما انا بعدت

الخميس، 26 أغسطس 2010

ذكري النكبه

خلاص هانت فاض 5ايام و تطل علينا ذكري النكسه برأسها الكريهه
طبعا قصدي نكستي مش نكسه مصر وهو يوم ما اتنيلت علي عيني و انيت الحاجه فضه المعداوي

متستغربوش ححكيلكوا هي ليه اتحولت من فيرجينيا جميله الجميلات الي الحاجه فضه بتاعه السمك

بس ده في البوست الي جاي لاني عندي امتحان كمان كام يوم و والله لسه مفتحتش اي حاجه

ادعو بذمه اني انجح و طبعا متنسوش تتوضوا و ياريت تعيطوا و انتوا بتدعوا

الخميس، 5 أغسطس 2010

مش حلبس جيبه يا مشيره

ارحمي الي خلفونا يا وليه انت ايه مبتتهديش
خلع و قولنا ماشي
خليتي الناشز تتجوز تاني ماشي
رفعتي سن الحضانه ماشي
لاغيتي الولايه التعليميه للاب ماشي
قطعتي صله الرحم بعيله الاب كلها ماشي
اماكن الرؤيا بتعتك دي اخرها نشوف فيها كلاب مش اطفال و برضو ماشي
نيمتي قانون الاستضافه في مجلس الكراسي ماشي
حكمتي علي كل الاباء بانهم زباله و لا يئتمنوا علي اولادهم ماشي
انما تجرمي جواز المره التانيه ده علي اساس ان الي بيعمل كده عاقل اصلا
(اينعم جوز الضراير غندور حتي لو كان ببربور) بس مش للدرجادي
و عايزه المطلقه تقسم الثروه مع الزوج؟؟؟؟؟؟
نظام النفقه يتغير عشان تزيد؟؟؟؟؟؟؟؟؟
بكره تتجوزيني و اخلف انا
الحمد لله اني طلقت ايام الرخص
مهما هملتي ((مش حلبس جيبه يا مشيره بالعند فيكي))



الأربعاء، 21 يوليو 2010

والله انتوا الي رجعتوني لقله الادب

الست مشيره بعد ما فشخ....كل الرجاله من ساعه لما عملت قانون الطفل الي اصلا مش دستوري لانه ببساطه اذاي يا خالتي تعملي قانون من سنتين و لغايه دلوقتي ملوش لائحه تنفيذيه فاقت مره واحده و قررت تعمله لائحه اليومين دول
و عشان تظبط كل الاباء غير الحاضنين مررت القانون يعني بيتنفذ من غير لائحه منظمه له
و انكت حاجه هي بند ممنوع اللمس و لمواخذه يعني عيب اني المس بنتي ده اذا شوفتها
غير منع الوصايه التعليميه عن الاباء يعني اسيبها تتعلم في اي كتاب امها حتدخلهولها و مليش حق الاعتراض
و ده اكبر خابور لبسناه في الموضوع كله

الأربعاء، 14 يوليو 2010

تايه

من اكتر من سنتين لما عملت المدونه دي كنت واخد قرار اني اتكلم و احكي عن كل حاجه حصلت في تجربه مريره عشتها لوحدي
و حاولت و زي ماكان في ناس بتهاجم ارائي و افكاري كان بردو كان في ناس فاهمه و متعاطفه
و علي فترات خروج عن الموضوع الرئيسي و فترات توقف و سفر و اكتئاب و فرح كملت علي قد ما اقدر

و بعد كل ده وانا النهارده بكتب لاقيت نفسي مش عارف اكتب ايه او اكمل ليه
مش عارف انا حفيد و لا حستفيد
قليلين منكوا ارو الي اتكتب و عدد اقل شافني بس انا متاكد ان محدش يعرفني حتي الي قعد معايا
احب ااكد لكم ان دي مش حاله اكتأب ولا اي شئ ।

يمكن اكون تعبت من محاربه طواحين الهوا
او الجري ورا سراب

بس اوعدكوا او المتابعين منكم علي الاقل اني مش ههرب زي كل مره بالعكس حرتب افكاري و حرجع اكمل حكايتي بتركيز اكبر و استرسال اكتر

الأحد، 27 يونيو 2010

حاولي تفهمي

سيدتي

انا لست يوسف ان هممتي فلن اري برهان ربي او اري شئ شبيه

الخميس، 24 يونيو 2010

الخميس، 17 يونيو 2010

غلطه الشاطر بألف

كنت قاعد من كام يوم مع واحد صاحبي وهو اكبر مني تقريبا ب18سنه
و فكرني باول مره شافني انا و فيرجينيا في الجامعه و للصدفه كانت بتهوهو و مشنفره علي الاخر فخدني علي جنب وقالي انت حواليك بنات كتير اوي و كلهم كويسين اشمعني دي يا شاطر و لما هرجت معاه و قولتله غلطه
قالي خلي بالك يا ابني ان غلطه الشاطر بالف।

موضوع علي الهامش كده : لكل الي شتموني علي الميل احب اقول لهم حمرااااااااااااااااااااااااا

الأربعاء، 12 مايو 2010

حيره

لأول مره من زمان اوي اكون محتار و مش عارف اخد قرار .
الموضوع بأختصار ان زينه داخله المدرسه السنه دي
ولازم نقدملها في شهر 6تقريبا و مش عارف
متفتكروش اني محتار في اني ادخلها انهي مدرسه لالا
الموضوع مش كده خالص الموضوع هو اني ادامي حل من اتنين
اولا-اني ادفع الفلوس الي الست ام طعمه عايزاها في المدرسه بالرغم اني مش بشوفها اصلا
ثانيا-اني بردو ادفع نفس الفلوس بس تكون وسيله ضغط عليهم عشان اشوفها

ولاني من بدايه الموضوع واخد قرار ان البنت بره اي صراع فانا ميال للحل الاول
بس في نفس الوقت دي فرصه عشان اعرف اشوفها و لان الحل التاني هم رفضوه
فمش عارف اعمل ايه
هي الي بتضغط عليا بانها حدخل البنت اي مدرسه حكومه معفنه تلاقيها و بجد الموضوع ده قاتلني
ياريت بجد تشاركوني برايكم

الثلاثاء، 27 أبريل 2010

مش حتعرف تتعامل معاها مهما عملت

انت محتاج ايه ؟

دهاء اليهود
اقدام العرب
وحشيه التتار
سخريه الفايكينج من الموت
او.................
بهاء الطاووس
ذكاء التعلب
مكر الذئب
قوه الاسد
سرعه الفهد
صبر الضبع
او..............
انك تكون فائد
و مقطع البطاقه
و امك عمرها مداعتلك
و ابوك غضبان عليك
و ملكش اصحاب ينصحوك


و اوعدك لو اتوفر فيك شرط واحد بس ..............
اوعدك حتعرف تتعامل معاها

الأحد، 18 أبريل 2010

اتسرقنا

اكيد كل واحد فينا جهه عليه اليوم الي اتسرق فيه
مش مهم اتسرق منه ايه
و مش مهم مين الي سرقه قريب او غريب
المهم انه اتسرق و خلاص
و المصيبه لو متقدرش ترجع الي اتاخد منك و لا بالذوق ولا حتي بالعافيه
متملكش غير انك تتفرج علي الدنيا من حواليك
وهي بتبعد عنك كل شويه اكتر و اكتر
مش مهم الي اتسرق منك امنيه ولا اماني او حتي كائن يعيش و يتعايش عنده ३ سنين

وعلي رأي المثل.............................
الهابله مبجبش دكاتره


الأربعاء، 14 أبريل 2010

هلوسه

حد فيكو يقدر يوصف حاله الناس بعد ما يموت يعني مين حيذعل و مين حيفرح
مين حيسكت نص دقيقه و يوطي راسه و بعد كده يرفعها و يعمل نيو ويندو
مين حيقول ادينا استرحنا من هبله
مين الي حتذعل بجد و عنيها تدمع لانها كان نفسها تشوفه او تقوله انها اتاثرت بالي بيكتبه
مين ذعل اوي لانه كان نفسه يسمع منه اكتر

الثلاثاء، 16 مارس 2010

ولاد الكلب و ثقافه الهوهوه

انتشرت في الفتره الاخيره ظاهره الغير معرف قليل الادب

وده غالبا بيكون بني جاموس قاعد لابس خازوق و بتاكله اوي لما يشوف اي حد بيكتب و الناس بتناقشه و تحاوره في الي بيكتبه سواء بالاعتراض او التصديق علي كلام صاحب الموضوع

و بالتالي صاحبنا ده ميستحملش فيدخل يشتم و يقل ادبه و لو كان لافف في شويه مدونات يبتدي يوقع الناس في بعضها ده للاسف انسان مريض و مبيحبش نافسه و غالبا بيكون افشل بكتير اوي من المدون الي هو بيشتمه

بس المشكله بجد ان في بنات بتتشتم يعني احنا عادي مش قضيه يعني

ايه ذنب الناس يا ابن الكلب .........................

يعني هم الي غلطانين انهم مش عاملين رقابه علي التعليقات

و عشان ابن او بنت الصرمه الي عماله تشتمني والله انا مش كاتب الموضوع ده عشاني
انا شخصيا ابتديت استمتع بكلامك فعلا

بس نفسي بجد يكون شجاع و يكتب اسمه و يتناقش حتي لو حيشتم بس المهم الكل يفهم و يستفيد حتي من حد ابن شر؟؟؟؟ه زي ده اكيد حنستفيد و نعرف منك اذاي امثالك بيفكروا

انا مثلا الحمد لله اتقال عليا كداب و غاوي شهره

ده انا يا ابن الكلب محدش يعرفي اصلا يعني ممكن اكون اي حد و كمان ممكن اكون مؤلف عظيم لاني عيشت الناس في حكايه من تأليفي

بس والله ياريت ده انا كده اكون مشروع مؤالف تحفه بجد

و ممكن اكون فعلا شخص موجود و بيحكي تجربه حصلت في حياته عشان الكلاب الي زيك يتعلموا يا اهبل يا ابن الاهبل

انا عايزك تعرف انك مش فاهم اي حاجه و صدقتي لو جيت اتكلمت مره و طلبت انك تسمع الحكايه من الاول حقعد احكي ليك انت و الي خلفوك من الاول خالص

مش عشان يهمني انك تصدقني بالعكس انما عشان يمكن تتعلم حاجه تنفعك في دنيتك



في النهايه هي كلمه

انت الي زيك يتزعل عليه و ميتزعلش منه

الأحد، 7 مارس 2010

الاستنزاف العاطفي

لما اعتبرت ان البنت وسيله ضغط قلت طبيعي ان هم حيستعملوا كل الاسلحه المشروع منها و الغير مشروع

ولكن ان يتحول الموضوع لتسول و شحاته مش كده تبقي صعبه شويه

ان يكون كل همهم انهم يحصلوا علي اي فلوس و خلاص تحت اي مسمي

مره البنت عايزه لبس
مفيش مشكله اجيب 6 اطقم كامله و مشفتش فتله منهم عليها و شكلها زي العيال الي بيشموا كوله تحت الكوبري

مره ادويه بروشتات قديمه عمرها اكتر من سنه و كان المطلوب الفلوس مش اني اجيبهم مثلا

والله انا متاكد ان الفلوس دي مش بتتصرف علي بنتي لاني مره اديتها 7000جنيه اتجاب بيهم طقم كاوتش و جنوت لعربيه الهانم


مع العلم ان كل ده و انا مش بشوفها لاني معيش حكم لغايه النهارد
و لاني مش عايز اجرجرها هي و بنتي في الاقسام


ها ماذا تفعل لو كنت مكاني؟؟؟؟؟؟؟؟

اعضاء جمعيه المرأه المتوحشه يمتنعون.

الاثنين، 1 مارس 2010

مظنش ان لسه فاضل اي امل

عشان بس العالم الي بتقول يأس و فاشل و محبط و بيولول نفرحم زياده
والله والله والله لو شوفتوا يوم واحد من الي انا عشتهم من سنتين كنتوا حتعرفوا معني لكلامي
الله يحرقكم كلكم يا ولاد الكلب

الأربعاء، 3 فبراير 2010

القبطان المنحوس

طبعا كلنا عارفين ان اول ما تبتدي السفينه في الغرق بتكون مهمه القبطان هي محاوله انقاذ كل الركاب و اخلاء السفينه
و في الوقت ده بتفضل الفرقه الموسيقيه تعزف عشان تحاول تخفف من جو التوتر المصاحب للحاله دي
و يبتدي طاقم السفينه في انزال قوارب النجاه و عمليه الاخلاء
و بعد الاطمئنان ان كل الركاب نزلوا في قوارب النجاه يبتدي نزول باقي الطاقم ।
ولانه غالبا بيكون الوقت انتهي او بمعني ادق قمه التضحيه و الشرف ان القبطان يغرق مع سفينته
فبيفضل قاعد في مكتبه يشرب الويسكي او الفودكا و يدخن السيجار الكوبي و هو بيسمع اي لحن للاوبرا
في انتظار مصيره المحتوم.....
طبعا الي بيقرا البوست ده و استحمل انه يوصل لغايه هنا اكيد مستغرب ايه سبب الكلام الي انا كاتبه ده
بختصار شديد اني تقمصت شخصيه القبطان و فعلا عملت اخلاء للركاب من السفينه قبل ما تغرق و بعدهم
ا لطاقم او من بقي منه و ختمت بالفرقه الموسيقيه
و من ساعتها قاعد في المكتب بشرب و ادخن و انا بسمع الموسيقي بس للاسف السفينه مش عايزه تغرق
عمليه الغرق مش عايزه تخلص ولاني واثق من استحاله مجيئ فرق الانقاذ ليا لان ببساطه كل الناجيين اكيد
حيبلغوا بغرقي مع السفينه و انا اضعف من اني اعوم ضد التيار للمسافه الكبيره دي و حتي لو حاولت سمك القرش
مش حيرحمني و حتقزقز في ثواني
و اكيد مش حفوت علي نفسي فرصه الخلود علي صفحات التاريخ لما الناس تكتب عن بطولتي في اخلاء الركاب

المصيبه انها مش عايزه تغرق و شكلي حفضل عالق لامني عايش حتي لو جبان ولامني ميت حتي لو بطل

الأحد، 31 يناير 2010

يارب

يارب افوق و الي في بالي يلبس الخازوق
يارب اجمعني بزينه قريب عشان وحشتني اوي
يارب لو شايلهالي في الاخره يبقي موتني دلوقتي
يارب انصرني علي الي ظلموني
يارب خدلي حقي
يارب وريني في كل واحد ظلمني يوم
يارب متدنيش طول العمرولا الصحه ولا المال
يارب انا مش عايز اكتر من بنتي و بٍٍٍٍس
يارب الناس تنساني
يارب لو مش كاتب ان زينه ترجعلي نسيهه ابوها
يارب متتعذبش بيا طول عمرها
يارب نسيها لو ده احسنلها
يارب يطلع حظها احسن مني
يارب كل الي حاطيتني في دماغه يولع
يارب متشيلنيش هم حد
يارب محدش يشيل همي
يارب.................................................................
انت عارف الباقي
انت عالم بحالي و غني عن سؤالي

الأحد، 17 يناير 2010

ان تكتشف انك نكره

اكتشفت مؤخرا اني متلعطش من سنين عمري الي فاتوا بولا صديق تخيلوا.........
ولا واحد يوحد ربنا
ويمكن ده مكنش فارق معايا زمان و بردو مش عارف ليه فرق معايا دلوقتي
يمكن لما عدا عليا يوم السبت الي فات و بالمناسبه ده كان عيد ميلاد زينه الثالث و الي مشوفتهاش فيه كالعاده
و ياريت ميجيش اي ابن جزمه يقولي وليه مشوفتهاش و هو فاشخ بقو و مبينلي صف سنانه المسوسه
فرق معايا اوي ان محدش من عيلتي او اصحابي افتكره
و حسيت اني بنفخ في قربه مخرومه
و اني مفرقش مع حد
و يمكن دي هي ضريبه استمتاعي بالوحده
و ده ثمن بعدي عن الناس و راحتي من مشاكلهم

الثلاثاء، 22 ديسمبر 2009

عن ليلي و اشياء اخري 3

النسوان بتوع كلنا ليلي عايزين ايه؟؟؟؟؟؟

سؤال بدور علي اجابته من زمان اوي لغايه ما تعبت و زهقت و قرفت
و انا في نص الاحاسيس الزباله دي اكتشفت شئ مهم جدا
انهم طالما عايزين يكوني كلهم ليلي و ربنا العالم ان ليلي بريئه من اشكالهم اصلا
يبقوا عايزنا كلنا قيس ......................................................
و طبعا جنون قيس في ايامنا دي كوووول جدا

يعني بختصار شديد عايزنا نلبس شوال خيش و نمشي حافيين معفنين زي اطفال الشوارع و نروح
نفترش الارصفه تحت بيوتهم او نمشي في اشارات المرور نقول انا حسحس و حسحس انا
زي الاهبل الي جاب فرقه و عمل يافطه قماش و رقد تحت بيت مراته عشان يصالها
و جه من بعده الي طلع في مؤتمر المراه المتوحشه يقول انه نادم علي ضرب مراته
و ملقوش غير مبيض محاره يعني شخص دخله و تعليمه و ثقافته و عيشته علي قده كيك يعني
و اكيد يعني مرات مبلط المحاره عمرها ما حتشتكي من الضرب لان دي بيئتها و عيشتها
و انا هنا مش بعلن تأيدي لمبدء الضرب طبعا لا
بس بستعجب علي الحركات القرعه بتاعتهم




الله يرحمك يا سيد احمد عبد الجواد انا مت و استريحت و سيبتنا نتبهدل من بعدك

الأحد، 13 ديسمبر 2009

عن ليلي و اشياء اخري 2

انا المتعوس و خايب الرجا الي انتشلك من قطار العنوسه
انا الي دمرتي حياته
انا الي بقي سوابق علي ايدك
انا الي اتحرم من بنته بسببك
انا الي خسرت كل ما املك بسببك
انا الي كرهت الناس من عميلك
انا بكرهك بكرهك ركرهك



يارب انا امنت ان لسه الحياه ممكنه
يارب متخدش مني الامل بعد ما ادتهوني
يارب رجعلي حقي عاجلا و ليس اجلا

الاثنين، 7 ديسمبر 2009

عينه من ردود الجماعه المنحله


ده انت اخر حلاوةعامل زي الراجل اللي كانوا بيجيبوه في المسلسلات لابس على راسه سلطانية وحاطط غطيان كازوزة على جاكت وماسك عصايا ينظم المرورشخص له دلاله عظيمة في الأعمال الفنيةاهطل لكن مسليمش ها يعمل حاجة بس بيجعجع مجنون بس شايف نفسه عاقل متنح بس عامل نفسه ريس فاشل وحاطط بادج على ياقته عنوانه أنا ناجح سليط اللسان وكل يوم يقسم بالله انه مؤدب ومن عيلة هاي بيضرب مخدرات وعامل نفسه فايق ضايع وقال ها يهدي البشرية شتام لعان وملكش كبير ومؤكد عنيف وايده سابقاه دي فلتت اللي كانت عايشة معاك معقول خرجت وهي لسه عايشة وهي لسه بني ادمةانت مسلي للفئة القليلة اللي بتدخل عندك ولكن انت لنفسك مين؟عملت ايه لنفسك؟سيبك من كلام المساطيل ده والشتايم اللي ها تشتغل فيها وروح اعمل لك حاجة مفيدة يا إما تعترف إنك ضايع رسمي وخلاص وبطل جعجعة في وسط ميدان نفوخك فين جماهيرك الغفيرة يافاشل اللي ها تعمل بيها ثورة؟لو اعترفت لنفسك انك فاشل وفرحان بفشلك كان الوضع هين لكن ده انت شايف نفسك ريس فعلا مجذوب بغطيان كازوزة وصفك الصحيح ربنا يشفيك ملحوظة شتيمتك تلف وترجع لك لأن هي دي مستواك الإجتماعي والثقافي الفعلي وقصة انك مريض نفسي والناس بتقول نفوت له مبقاش مبررابن الناس يعالج نفسه في مصحة مش يدور يضرب في الخلق بعصاية لسانه السليط ابن الناس يشرف عيلته وعياله مش يكون سبه في جبينهم ابن الناس يقول لما أموت ناس تقول الله يرحمه ويعددوا صفاته الكويسة والملايكة تقول آمين وما يخليش الآخرة أخر شيء بيفكر فيه ومتفرغ للهطل الرسمي لا انت اللي ها تخلص العالم من الستات ولا الستات ها يخلصوا عليك لو كنت فعلا راجل
07 ديسمبر, 2009 02:58 م
دي عينه بسيطه من ردود اعضاء جمعيه المرأه المتوحشه علي البوست الي فات
طبعا الكل متوقع اني اشتم زي ما صاحبه التعليق قالت بس للاسف حخيب ظنكم المره دي
مش لسبب معين بس لاني فعلا ابتديت استمتع بالموضوع او لاني حاسس ان لسه ممكن حد يتعاطف مع الراجل
مش محتاج اقول تاني ان مش كل الرجاله مساكين و غلابه بس لازم الكل يعرف ان ممكن نقابل النوع ده منهم
......اما للشئ الي بعت التعليق ده :
كان ممكن تكتبي اسمك او حتي تعلقي بمدونتك ولا خلاص انت ادمنتي الجبن
انا بشفق علي المتعوس و خايب الرجا الي حيشمك لانه مش حيلاقي اي حاجه تشدوا ليكي غير غبوته
و لو كنت قريتي الي اتكتب من سنه و نص قبل ما تدمري مجهود غيرك كنت حتعرفي اني عمري مشتمت او ضربت الكائن الي كان في بيتي ।
و لو حترجعي علينا كلام من عينه و احنا ايش عرفنا
او احنا سمعنا كلامك انت و مسمعناش منها
اقولك ببساطه ان الي يعترف بكل اخطائه من اول خلافاته الشخصيه في بيته لغايه ضربه للمخدرات اكيد حيكون سهل عليه اوي انه يشفي غليله من امثالك علي الاقل و يتفشخر بانه ضرب واحده زيك
ملحوظه اخيره:
انا مضربتش مخدرات غير بعد الطلاق لاني حسيت اني ماخدتش اي حق من حقوقي منها هي و اهلها
(صدقيني استمري في قله ادبك لاني بطلت ازعل من اي حد)
.................و بعدين انت الي زيك يتزعل عليه و ميتزعلش منه

عن ليلي و اشياء اخري 1

تستعد حاليا جماعه كلنا ليلي الجناح السياسي لجمعيه المرأه المتوحشه لاستجداء عطف المجتمع و الناس الحيين منهم و الميتنين كعادتها كل عام و يهبوا علينا بريحتهم الوحشه بعبارات رنانه عن التحرش و المجتمع الذكوري و التي لا تخلوا
من التمجيد للالهه و الصنم المخشبه التي يعبدون و المطالبه الدائمه بمذيد من الحقوق و وصف خرطوم الحقوق الي اغتصبوها مننا بخطوه علي طريق التحرر او نقطه في بحر الحريه الناضب و للاسف الشديد ان البعض من اشباه الرجال
يعينوهم علي فكرهم الشاذ।
لهذه الفئه الضاله لا يسعني ان اقول الا الله يحرقكم تحت و فوق ।
رحم الله شاعرنا احمد بيك شوقي حين قال:
خدعوها بقولهم حسناء ..........والغواني يغرهن الثناء

الأحد، 6 ديسمبر 2009

اسف علي الغياب

ده علي اساس ان حد حس بوجودي اصلا عشان يفتقدني

للاسف لسه بحاول اجيب المواضيع القديمه بس مش عارف
ملاحظ ان جمعيه المرأه المتوحشه صوتهم علي اوي الفتره الي فاتت بس ده بعدهم انا راجع يا بت انت و هي و حوريكوا!!!!!
حتخلوني اسيب البلاي استيشن و اجيلكوا و لانها متعتي الوحيده حاليا و حسيبها عشانكوا فالحساب حيكون تقيل اوي
____________________________________________________________
سؤال للمتابعين فقط .......
اذكر من وجهه نظرك الي متهمش حد اصلا الاختلاف الي انت حسيتوا من يوم ما ابتديت تتابع سموي لغايه دلوقتي؟

الثلاثاء، 3 نوفمبر 2009

غصب عني و الله

واحده بنت كلب من بتوع جمعيه المراه المتوحشه سرقت المدونه و لغت كل شئ
بنت الجزمه ضيعت شغل سنه و نص

معلش الحمد لله

حاليا حتلاقوني في مدونه دوله الرجال لغايه ما ربنا يسهل و الي اتكسر يتصلح